Nýr Volkswagen Cabriolet-Coupé nefnist Eos

Nýtt heiti hefur verið valið á hinn nýja blæjusportbíl frá Volkswagen. Kallast hann Eos en hún var gyðja dögunar. Nýtt heiti hefur verið valið á hinn nýja blæjusportbíl frá Volkswagen. Kallast hann Eos en hún var gyðja dögunar. Nýtt heiti hefur verið valið á hinn nýja blæjusportbíl frá Volkswagen. Kallast hann Eos en hún var gyðja dögunar. Nafnið Eos vísar til gyðju dögunar í grískri goðafræði og vekur hugrenningatengsl við þær aðstæður sem kannski eru þær bestu hugsanlegu í akstri blæjubíls, það er árla morguns fagran sumardag. Eos er þar að auki snaggaralegt og skýrt heiti sem auðvelt er að segja um heim allan.

Og það má halda áfram að rekja saman Eos blæjubílinn og gríska goðafræði. Ef trúa má goðsögnunum reis gyðjan Eos upp úr hafdjúpunum í vagni sínum til þess að færa fólki morgunroðann dag hvern. Eos er líka móðir vindanna og kvöld- og morgunstjörnunnar. Dögun, vindur og stjörnur allt þetta fellur afbragðsvel að því að aka þessum heillandi blæjubíl.

Yfirbyggingin á Eos byggist ekki á hefðbundnum lokuðum sportbíl heldur var hún hönnuð með sjálfstæðan blæjusportbíl í huga. Grundvallartæknibúnaður á borð við vélar 115 hestafla til 250 hestafla og hjólabúnað er sóttur í nýja Passat-bílinn. Dr. Wolfgang Bernhard, stjórnarmaður sem ber ábyrgð á Volkswagen-merkinu, afhjúpaði Eos á alþjóðlegu bílasýningunni í Frankfurt þann 12. september sl.