Alþjóða vélflutningaráðið vottar framsækna umhverfisverndarstefnu Volkswagen

Volkswagen er fyrsti bílaframleiðandinn í heiminum sem uppfyllir kröfur Evrópusambandsins um 85% endurvinnanleika.Volkswagen er fyrsti bílaframleiðandinn í heiminum sem uppfyllir kröfur Evrópusambandsins um 85% endurvinnanleika.Volkswagen er fyrsti bílaframleiðandinn í heiminum sem uppfyllir kröfur Evrópusambandsins um 85% endurvinnanleika. Dr. Ulrich Hackenberg, sem á sæti í framkvæmdastjórn Volkswagen, tók nýlega við tveimur viðurkenningum úr hendi Ekhard Zinke, forseta Alþjóða vélflutningaráðsins, (Federal Motor Transport Authority (KBA). Þetta eru fyrstu viðurkenningarnar af þessu tagi sem KBA gefur út en þær staðfesta að Volkswagen Group er fyrsti bílaframleiðandi í heimi sem fjöldaframleiðir bíla sem eru endurvinnanlegir að 85 hundraðshlutum og endurnýtanlegir að minnsta kosti að 95 hundraðshlutum af eigin þyngd.

„Viðurkenningarnar staðfesta leiðandi stöðu Volkswagen í umhverfismálum þegar kemur að endurvinnslu á bifreiðum," sagði Dr. Ulrich Hackenberg við þetta tækifæri en hann ber ábyrgð á þróunardeild fyrirtækisins. Hann segir framsækna endurvinnslu lengi hafa verið hluta af framleiðsluferlinu hjá Volkswagen. Á síðasta ári fékk Volkswagen „Evrópsku viðskiptalífsverðlaunin á sviði umhverfismála" auk umhverfisverðlauna sem Samtök iðnaðarins í Þýskalandi veittu fyrirtækinu fyrir brautryðjendastarf við endurvinnslu bifreiða.

„Þessar viðurkenningar eru mjög ánægjulegar því þær endurspegla þann góða árangur sem Volkswagen verksmiðjurnar hafa náð í umhverfismálum um leið og þær sýna að kolefnisjöfnunarátak okkar hjá HEKLU og sala á grænum Volkswagen á Íslandi er í góðu samræmi við umhverfisáherslur Volkswagen verksmiðjanna,“ segir Knútur G. Hauksson forstjóri HEKLU.

Brautryðjendastarf í endurvinnslu – Volkswagen-SiCon ferlið
Volkswagen hóf samstarf við SiCon GmbH árið 1999 um að þróa endurvinnsluferli fyrir bifreiðar í lok líftíma þeirra. Þetta ferli hefur reynst mjög áhrifaríkt skref í umhverfismálum og það hefur stuðlað að verndun náttúruauðlinda. „Við getum staðfest að strax í frumþróun bifreiðanna samþættir Volkswagen allar þær aðferðir sem krafist er og uppfyllir auk þess allar stjórnsýslu- og tæknikröfur sem eru í tilskipun Evrópusambandsins 2005/64/EC og varða hönnun sem styður endurvinnslu, framleiðslu og förgun í lok líftíma," sagði Ekhard Zinke, forseti Alþjóða vélflutningaráðsins þegar hann veitti Volkswagen viðurkenningarnar.

Vottorð um „endurnýtanleika, endurheimtanleika og endurvinnanleika", sem Alþjóða vélflutningaráðið veitir í nafni Evrópusambandsins, staðfestir að Volkswagen uppfyllir nú þegar stjórnsýslu- og tæknikröfur nýrrar Evróputilskipunar áður en hún tekur gildi í desember 2008. Þegar nýja tilskipunin hefur öðlast gildi, er öllum bílaframleiðendum skylt að sýna fram á endurvinnanleika með sannanlegum hætti, þegar sótt er um gerðarviðurkenningu nýrra bíla. Samkvæmt tilskipuninni eiga nýir bílar að vera endurnýtanlegir og/eða endurvinnanlegir að 85 hundraðshlutum að lágmarki og endurnýtanlegir eða endurheimtanlegir að 95 hundraðshlutum af eigin þyngd að lágmarki.

Volkswagen-SiCon ferlið sem felur í sér endurheimt efna í lok líftíma bifreiða er um leið verðmæt uppspretta hráefna. Eftir meðhöndlun í kerfinu er hægt að endurnýta harðplast, gúmmí, vefnað, gler og málmleifar í stað nýrra hráefna og stuðla þannig að verndun auðlinda jarðar. Fyrir utan vistfræðilegt gildi ferlisins felst einnig efnahagslegur ávinningur í að endurnýta hráefni á tímum hækkandi hráefnisverðs.